想食好野就要煮

是日菜單:
清心潤肺雪梨蘋果茶
材料: 雪梨2個, 去皮去核, 切粒; 蘋果1個, 去核,切粒; 冰糖少許
做法: 果粒慢火煲半小時, 再加冰糖調味即成

香濃忌廉海鮮意粉
材料: 忌廉湯一罐, 蟹肉一罐, 蟹柳5條, 黑椒少許, 意粉適量
做法: 意粉放沸水中焗20分鐘. 忌廉湯加水煮沸, 加入蟹肉蟹柳慢火煮5分鐘. 最後加黑椒調味.

經濟實惠之餘仲啱哂口味, 想食好野幾時都係自己煮好 :)
細佬話: 終於唔駛做隱蔽青年捱淘大叮叮點心包/ 即食麵.. 哈!

特質再測試

這之測得更準:
整體性格p小姐，衝勁十足，聰明靈活；熱力四射，喜歡單刀直入，能夠力爭上游；也有善解人意的一面。
待人性格p小姐待人：通情達理；有人情味；既喜歡與人同樂也能樂於獨處；樂於表現不怯場；對朋友一視同仁；作風開朗口無遮攔。
處世性格p小姐處事：很有主見樂於助人；有為有守；有立場也能妥協；不拘泥細節；有些天馬行空；計劃周詳按部就班。
性格缺點p小姐性格的缺點為：作風開放不重視隱私；有時候動作緩慢老是慢半拍；偶爾會不夠細心馬虎草率。
價值觀p小姐重視的價值觀為：自由自在；善用時間；讚美和掌聲；較不擅長：微枝末節；節儉守財；交際應酬。
愛情性格p小姐在愛情上喜歡快速的進展步調，不很重視浪漫，能夠給對方自由；較常表現：爭強好勝，行事靈活，細心敏感。
金錢性格p小姐的金錢觀：花錢很得體不浪費也不小氣，用錢會有妥善的計劃；容易把錢用於：提升自我形象，探索新奇，實現夢想。
http://tw.starq.com/newstar2/okstarq

電車男

一個怕醜仔的愛情故事, 久違了的心跳手震忐忑緊張.
更喜歡的是那些 ASCII Art (Emoticons/顏文字):
(*_*)　(+_+)　(-.-)　(-_-)　(-_-;)　(-_-R)　(..)　(._.)　(;_;)　(>_<)　(@_@)　(T_T)　(^.^)　(^0_0^)　(^O^)　(^^)　(^^ゞ　(^_-)　(^_^)　(^_^;)　(^_^R)　(^o^)　(^○^)　(^!^)　(__)　(~_~)　(~_~;)　(~_~R)　(~o~)　(%_%)　(%o%)　(%%;)　(00;)　(_-_)　(_._)　(_o_)　(__)　)^o^(　>^_^<@^/^　^^;　^_^;　_(._.)_　m(__)m　§^!^§。('-'。)(。'-')。o(;-_-;)o ((○（＾▽＾）○)) (-^〇^-) (≧∇≦) (*^▽^*) （＞ｙ＜）(＾Д＾～) ヾ( ｀Ω´) (^っ^) (・_・、) (†〇†) (x_x;) (｀Д´メ) ▼o・ェ・o▼ ヽ@(o・ェ・)@ノ (0^A^0) (^(I)^) ミ・＿・ミ (⊃_⊂）(°д°;;) (￣ェ￣;) (￣Д￣;) y-(~。~；) .。o○(>o<"") (~△~) (￣□ヾ) （´。｀;;;）(@￣*￣@) o(´～｀;)o (-_-) zzz
http://www.kaomoji.com/kao/text/index.html

快樂墮落快樂

人漸漸成長, 看見世界的真面目, 想快樂.. 很難.
回顧2005年我好像沒有真正快樂過, 問題煩惱天天都多. 家庭工作愛情, 每一樣都處於低點, 事事力不從心讓人很難受.
連自己都好像很有問題, 你說我太強橫, 不聆聽不妥協; 他說我太主觀, 不主動不好學.. 我真的那麼差勁嗎?
很想快點過新年, 犯太歲果然事事黑仔.
近日因為要減壓息怒換季滿足自己不停瘋狂購物玩樂, 發現金錢正急速逃離我的戶口我的銀包. 財散未見得人安樂, 是我花的未夠, 慾望太多還是壓力太大? 可能我太蠢, "金錢買不到快樂"是真的.
終於.. 第一次! 沒有什麼特別. 不過我的樣子一定很怪.

永遠懷念您

但願你早日遇上公公, 繼續未完的故事..
永遠懷念您!

我是藍莓 Chocolate Truffle

藍莓：細心 (當然) / 藝術天份高 (嘩~~~~)

藍莓是一個很享受家庭生活的人 (對) ，閒時最愛就是在家中休息(一時時啦) ，種花、看書、聽音樂是你最大的興趣 (我未退休呀!) ，而且藝術天份頗高 (當然當然, 有氣質嘛我!) ；對於戀人，會是一個非常細心的伴侶，對於伴侶的起居飲食都會照顧週到 (係呀, 會好似媽媽咁好好照顧男朋友呀!) ，你很強調彼此之間的私人空間，大家互相之間能夠做到彼此信任，彼此給予自由，這樣的愛情才是最珍貴，藍莓並不會像其他情人般，經常要求對方在身邊，又或是要求每天甜蜜如糖般，因為藍莓相信一段真正長久的愛情，是絕不會因為少見面而變質的。 (NoNoNO! 我好易呷醋喎! 最鐘意黐住男朋友, 要天天sweet呀!)

與藍莓拍拖秘訣：要成為藍莓的伴侶，首先一定要培養自己的興趣來 (無錯, 要入水能游出水能跳! 玩得唱得飲得煮野得講情趣得!) ，讓彼此有著私人的空間 (暫時唔係!) ，如果能對藝術有著一股熱情及興趣，相信大家傾談起來會更為投契，緣份便可因此而產生了。 (如果係一個叻仔就更好!)
************************************************************************

4月9日 朱古力︰正宗鬆露（Truffle Traditonnelle）
成份︰牛奶朱古力外層灑滿可可粉，包忌薕夾心
特性︰極度自我

生日占卜︰你天生是個聰明人，但想似乎過度極端，尤其是在社會問題上，你不輕易妥協，對自己處理事情的方法及觀點毫不懷疑，有時直接得簡直過份，但你不以為然。慼著天生的聰明才智，從構思到實行，都輕而易舉，在事業上有出色的成就，隨之而來的就是追求優質生活。
朱古力蜜語︰永遠做到最好，是你的人生座右銘。

秋日... 浪漫

公司最近洋溢著浪漫氣氛, 很多人會忽然失笑, 傻笑, 面紅和囉囉攣. 一致同意暗戀是快樂的, 沒有期望, 沒有責任, 沒有壓力. 只要偶然遇到/ 擦身而過/ 回眸一笑, 就已經心滿意足, 開心一整天. 女人如此, 男人亦一樣. 是否神女有心, 襄王無夢已不再重要, 人留戀的是那種難以捉摸的猜心遊戲.

餅乾傳情在我眼裡是無聊的, 但是對主角而言未必是同一回事. 例如問好事件, 我相信亦沒有人明白. 感情的化學奇妙處就是只有當時人才感覺到, 而且效果因人而異. 即使聚在一起笑罵八卦, 分享的只是事情的經過, 那種面紅耳熱, 心跳忐忑則是獨家感受, 恕無tester.

而當朋友群人人各自有一個心中天使, 一堆成年人就好像回到校園, 女的愛上了籃球隊長, 足球隊前鋒, 鄰班的帥哥; 男的則看上了女班長, 長髮女同學, 校花.. 漸漸就算事不關己, 己亦勞心; 也因為談多了, 忽然對身邊人有多一份不該有的了解. 每人亦抱著"不貪朋友妻"的信念, 誓神劈願不攪破壞.. 哈哈.

公司暗戀事多, 好一個浪漫工作間.

大澳

看了電視知道大澳有好味茶果之後, 決心到這個小小漁島一遊.
坐地鐵到東涌再乘巴士, 花了1.5小時終於來到目的地. 一下車見到長橋+碼頭, 馬上停下拍照留念. 16:9 + lomo 令事物看起來更有味道.
先吃一個歐陽應齊推介熱騰騰的"南瓜眉豆蓉咸茶果", 味道真的很不錯, 就是咸而不膩, 口感極佳.
吃飽後繼續四處逛, 紅霞漫天, 秋風送爽, 我們踏遍淺灘小路, 沿路嘻嘻哈哈, 一切都久違了..
完全融入島上平靜悠閒的氣氛, 停下來深深吸一口氣, 大自然, 多好!
帶著一袋天貝紫葵, 烤魷魚, 紫菜和銀蝦醬回家, 讓我可以慢慢細味漁鄉風情, 忽然很想念"蝦醬蒸豬肉"

現實的人快樂/ 有夢想的人快樂? 可能我這次心直好快又闖禍了, 太誠實坦白但不善包裝, 往往只會適得其反. 或者我只可以說: 我每一句話出發點為是你好, 為我們好; 不過沒有共識有時候還是會令人很沮喪.

是日發現

1) 老細好溫柔, 真的..很溫柔
2) 老細係人馬座 (如我所料, 邊度會有人同我咁夾, 性格咁似呀??火爆+硬頸+要面, 仲要係可以好坦白!! 仲可互寸唔俾面!!)
3) 老細係好多女仔眼中的好男人 (MY PLEASURE?)
4) 我係朋友堆中唯一一個會示愛既女仔 (唔示過又點知有冇機會先? 加上我又好勝, 不過有exception.. 唉)
5) 原來我都會面紅, 仲紅得好快(特別係偷笑之後)
6) 劉德華真係好正(佢完全係一個好男友好老公, 拍戲都勁sweet)
7) 好男人難求, 童話式的戀愛更是妄想 (劉德華只有一個!)
8) 當一堆人目標一致, 力量可以無限大, 仲可以好癲.. 食極都可以唔肥!
9) 懶玩係冇得改既, 直至遇上我的他; 我會"0都0都0都0都0都" 時佢會"0都"
10) Benz kompressor 是最好的, 那怕你們的是波子/ 林寶堅尼
11) 人生的第一桶金: 那條鍊那隻介指, 盛惠100萬
12) JLuiJLuiJLuiJLuiJLuiJLuiJLuiJLuiJLuiJLuiJLuiJLui
13) 你們都是我的好好好朋友
14) 講電話最開心係: 證明有人會聽你呻, you are not alone; 而人地又相信你, 和你分享
15) 有時唔訓覺都唔係好大問題

Life-Of-Circle

最近愛上了一個新牌子: Life-of-circle (by Dickson Yewn).
"Philosophy is the basis of everything. Most people are bound by the senses, and think that what they cannot see or feel does not belong in Nature. Eastern philosophy is in fact a transcendental, hard-to-verify science. Life of Circle is a microcosmic concept. The circle is the fundamental element of everything in Nature."

天地之心是翁狄森將中國哲學(特別是玄學陰陽五行學說) 挪移於首飾設計所建立的品牌.
一個"囍"就讓我有好快樂開感覺, 如文字本身所說: 喜上加喜! 連heiheiclub都借用了dickson設計的喜字樣. 其他design還包括元寶銅錢, 中國花, 烏龜, 12生肖.. 全部都十分中國. 和bev像瘋了一樣左試右穿, 兩個女生為著一堆金閃閃叫嚷不停,興奮莫明. 忘記了幾時開始愛上"珠寶", 不過女人始終難敵鑽石的誘惑. 你有見過46卡鑽石頸鍊嗎?
我就這樣愛上了這品牌和這間不十分起眼的店舖. www.life-of-circle.com

再一次遇上, 我竟然忍不住笑了.. 就只有1分鐘和一個眼神交流, 打從心底裡的興奮足以蓋過所有的不如意, 只能說實在太神奇. 5層樓的距離似近還遠.. 今日我都用$5買了一罐新輝橙汁, 你今日飲左未呀?

人有脾氣

因為如此我今日罷工! 讓自己放輕鬆之餘又可以俾佢知道我有幾"唔妥", 係有d低b, 不過可以冷靜諗清楚都冇壞, 我唔係要攪大件事, 只係想攞個公道.. 可能除左工作技能, 我最需要學既係辦公室政治 (我自問係一個實事求事既人, 成果第一, 呢個世界唔係朋友就係敵人, 你打正旗號衝著我而來, 我當你朋友咪就係低能囉! 唔係小丑唔係演員, 所以我唔會賣笑為生)
朋友同事都打黎慰問, 唉, 我唔係可憐, 係嬲, 要重申我唔係弱者!!

悠閒既一日, 天氣又好, 執執屋讀讀書, 睇ETV原來可以令人開心, 見到小朋友學護齒, 看圖作句, 加減乘除, 一個好簡單美麗既世界, 有人天生陰陽眼見盡各種牛鬼蛇神, 我想有一雙兒童眼, 只看到好事物. 大人的世界複雜又黑暗, 連爸爸都成日擔心我. 不知道何年何日我才真正長大, 只知道有得揀我會選擇時時小朋友, 一個見到氣球波板糖會興奮大叫既純真時代.

"停下腳步, 然後想一想有否轉彎的空間, 或許換種方法, 換個角度去解結. 人生總有挫折, 那不是盡頭, 只是一個提醒, 提醒你該轉彎了." 我今年已經轉了好幾個彎啦, 停得未呀? 暈啦!!!

天下老細一樣賤

又再一次落入別人的笑臉陷阱, 反轉豬肚就係屎, 一日踩親佢條尾就唔駛有運行. 好似好好人咁應你邀請同你傾, 其實係借機會寸你踩你, 我24年人未試過俾人咁人身攻擊過, 一個鐘頭裡每一句都有骨, 遊花園之後只係想你承認自己既不是, 話你個人態度有問題, 完全沒有一d尊重, 沒有一d做manager應該有既體諒/安撫/ 幫助, 一個字: 頂.

可以事無大小都係我既問題, 100%defensive, 我講既每一句在佢眼中都係批評佢, 一d都唔open to ideas, 做咩老細呀? 好老實我都唔會再尊重你囉, 唔駛0係我面前擺款, 我一日係細, 你都會係咁啦, 我仲可以點先?? 30幾歲人小氣又記仇, 話你有今日係因為你第一日返工講左一句唔應該講既野, 如果你明知係呢度係接受唔到做過前枱既人既話, 咁你請我做咩?? 同我講對我冇期望, 係咪我唔駛做你都出糧俾我呀? 咁你話唔知我每日做咩又得閒黎寸我"忙"? pick on people pick on word, 個個字針住我話我表達能力有問題, 唔見得你理解力好喎, 根本你眼裡冇+ve既野啦, 唔該話人subjective之前檢討下自己有幾biased先囉!

踩低其他人抬高自己唔係正確既上位方法, 係咁叻都唔駛0係我身上take credit啦, 你有頭有面, 在人前係威係勢, 私低下咪又係女人潑婦罵街? 話自己外國留學, 咪又好"香港人"樣樣跟跟計較(原來可以由4個月前day 1開始, 你都咪話唔驚) , 見錢開眼? 晒命人人都識, 不過唔會人人都做, 冇意思既野就唔好做啦, 我冇興趣知道你識咩猛人, 你覺得咁係勁咁咪恭喜你囉! 我只會為自己自豪, 唔會為識既人而驕傲, 下下沾人光唔見得好掂啫!

唉, hurt左就係hurt左, 返唔到轉頭, 我都開始冇期望.. 可以既, 我想快d離開. 女人都係好小氣既動物, 我今日硬食左唔代表我受, 我知我手段唔夠你強, 不過如果有一日我超越你, 你唔好死狗! "凡事留一線, 他日好相見", 你今日去到咁盡, 有種囉..

Miffy狂熱

就係因為一次haagen-dazs, 一股miffy熱潮直捲23/f , 在我同鄰居密密儲下, 依家已經有8隻. Bev最積極, 差唔多日日都去買野幫我換, 今日佢話有隻P..距離我英文全名又邁進一步! 連LC都日日話買haagen-dazs, 有得食有得玩 :) Bev 話為左"報答"各界朋友鼎力支持, 我應該將d miffy串成一條鏈然後日日帶! 哈! 凝聚每分力, 相信好快就可以換齊!

愛自己/ 愛你

午後跟失終10年的Jaa通電話, 發現我們同是天涯鄰落人, 而結論是: 地球都係咁轉0家啦! 看來只有好好過每一天,開開心心才是愛自己的最好方法, 因為只有自己才最愛自己 :)

上星期六是"Sweetest day"(美國甜蜜日):
Observed the 3rd Saturday in the month of October, Sweetest Day observance originated in Cleveland in 1922. Herbert Birch Kingston, a philanthropist and candy company employee wanted to bring happiness into the lives of orphans, shut-ins and others who were forgotten. With the help of friends, he began to distribute candy and small gifts to the underprivileged.
Over the years, Sweetest Day has evolved into a time to express romantic love and also to show appreciation to friends.
就在這天, 我為最愛的我添了許多新衣.. 嘻! Happy Sweetest Day!

***************************************************
你呀! 唔好唔開心啦, 我諗冇咩事既, 你自己覺得冇野就得啦, 既然係都唔理得人地講咩做咩, 你倒不如就完全唔在意..
我支持你呀, 點都好, 我都企你0個邊!!

好沮喪

我係一個system白痴同accounting低b
我好努力了解蜘蛛圖的流程, 睇下d data點走, 周圍問人, 不過就係永遠唔明白, 個個system名義上link埋一齊, 其實又唔係, 根本睇唔透幾時要搵邊個去interrupt, 咁大間公司好心就整多d build-in systems啦, d vendor唔會知你地內部d野咁難攪!! 我亦唔bother去幫你upgrade囉! 喂, 我一早講左唔攪呢d喎!
balance sheet原來係balance shit, 仲有條PnL係冇可能一下子計到! 對住張spreadsheet 4個鐘就係一個死局, 唔好問我邊個a/c點解平點解唔平, 唔知幾時要計邊舊錢, 個banker都只係想知賺幾多je..
我從來都唔係一個重details既人, 睇報紙淨係睇headings同圖片, 去銀行只係攞錢同check balance, 讀既係macro而唔係microecon, 天性如此! 難怪vlau教親我都勞鬼氣, 連b/s 同 income statement都分唔到, 唔好同我講lease, capitalizing, billings.. 一舊雲!!

男人愛咆哮, 根本冇人係絕對啱/ 絕對錯, 其實係人夾人既問題, 唔好用對/錯去judge, 只不過係一個解釋, 或者學你話"an interpretation", 忽然理智:"係咪要面對現實?"
認識的人多了就開始明白自己想要什麼, 有d野呃到人呃唔到自己, 每次都為同1,2,3個問題糾纏, 唔覺辛苦都煩啦, 心中有條刺我改變不了, 自己嘗試去適應又唔成功, 你又"我就係咁啦!", 勉強好似都冇意思, 好無奈!! 我唔係要一堆好blunt既答案, 唔係要我話你咩你即刻話番我, 互數不是潑婦罵街, 我唔想係咁囉, 男人, 你的量度有幾多??
感謝身邊朋友既心思/有心裝載, 人就係會為自己搵compensation.. 開心, 最緊要

"失去容易　回頭真難 日子再壞也必須要走完 在生活中　每一個人 應該有對自己最誠實的那份勇敢 朋友啊　雖然哭泣常常讓人太難堪 其實眼淚也有溫暖 流過淚的你才能慢慢成長 有傷心才會懂得有心歡" -劉德華

又係男人

終於我們有第一次合作機會, 雖然是辛苦一點, 但始終是個好開始. 一單大生意, 就只有我們幾個, 那種互相依賴, "大家拆掂佢"的感覺很奇妙. 心裡很驚訝原來有人可以+32小時不眠不休無間工作, 亦佩服有人可以在極度疲累時仍不出錯. 這個愛飲新輝橙汁並可以連飲幾罐, 會因為太肚餓而和你搶麵包的人, 實在有趣! 很難想像當他有疑問時他會瞪大雙眼傻乎乎的等你解答的樣子. Banker!

最近時常討論男人, 以致對所有男人都特別敏感. 開始留意男人的習慣, 小動作, 思考方法, 處事態度, 談話的內容, 走路的姿態, 吃飯的樣子.. 有孩子氣的男子向來最受女性歡迎, 但我偏愛那些成熟穩重官仔骨骨事業心重但顧家型的, 我會很安於那個他的身邊做個乖乖, 會依賴他聽他的話.. 實在很期待那種"被好好照顧著", "有他在什麼也不怕"的感覺, 似有點戀父癖, 但現在好像只有爸爸才能給我這種毋庸置疑的安全感. 很羨慕媽媽嫁得好男人 :)

身邊太多人有太多愛情問題, 有太多愛情觀.
在我的世界裡愛情仍然美好, 起碼我相信王子和公主是可以"happily ever after"的.
請問我的王子在哪?

寂寞

單身不一定比戀愛孤獨, 要愛情得意, 除非你很幸運遇上適合的人
擁有卻互不相干, 反而更加寂寞

Work Hard, Play Harder

Work Hard
很忙, 開會講電話再開會, SMS, EMAIL 再SMS.. 要拉緊人與人的距離原來很費神, 大佬一早黑面令我和Neo心慌慌 (有時覺得一個老闆只需要識得講why, no, ha? 就夠, 做細既唔想俾人問到一棟都冇通常會俾多少少heart 做) 樣樣由頭跟一次, 親自走訪每一個部門, 這是我倆第一次如此緊密合作!

忙的時候連杯麵泡到發脹也覺得好味; 可以一面回覆Email, 一面和電話裡的遠方同事說著另一件事, 再一面SMS; 可以在做Recap時和朋友討論功課, 能人所不能, 所向披靡. 最後以一封給老細的萬言書作結, 好充實的一天, 連鄰居也問: 你今日忙得好開心喎!
眼睛偷放在18/f - H對面S 旁邊, 嘩嘩!

Play Harder
好像回到學校: 家政Miss Ng, 體育數學李Sir, 中文宋老師, 未升正既主任雷Sir, 又係體育刀片Sir, 英文Miss Flora, 同學C, Kathy同科學科朱Sir, 仲有我這個"生得好後生既同學" :)

勁歌包括: 勁爆笑"流行曲", 我真的受傷了 (頸/腿version), 好人(愛錯了), 無賴, 無端端苦榮苦妹變聲記, 唔知大陸定台灣既"痴心絕對", 萬個童話, 森巴森巴舞, 大歌, 青山散步, 周俊偉?, 葡萄成熟時(多謝老師, 有update會call你), "可惜他有女朋友"囉 -_-, 好力sun, 朗誦rolls royce, "我最憎要開會做小丑, 最怕打領呔扮晒死狗", 兄...弟...打...氣!!!!!

約好跑馬地燒烤, 南瓜節跳舞, mj魚蝦蟹, 北上, cova, 就是玩玩玩!
雖然我們都"老"了, 由單變雙變單, 當我們走在一起我們仍像3年前... 一樣白痴

Can we talk?

一整天過後我們通了一個兩分鐘的電話, "唔, 哦, 係"佔了30秒, deadair佔了30秒, 在其餘1分鐘裡我忘了我們說了些什麼.
這兩分鐘過得很快, 亦過得很慢..

手機上顯示上一個短訊在8:13pm, 在你回家途上
再上一個在9:32am, 在我告訴你我病了之後

早點休息吧, 我(們)都累了..
********************

又是一堆大頭貼肩的照片.. 這樣很好嗎?
接受不了就是接受不了, 但我不知道是我真的太小氣嗎?
很討厭這種"不快樂", 或許是我只是自己太無聊太八卦, 犯賤囉!

勇敢故事兩則

和COO對話
=========
得到最渴望的回覆後, 10/3 一大清早我一個人由"Back-of-the-back"走到syndicate desk再穿過IBK一直走到COO的房間, 心中有點懼怕有點忐忑, 默默念著想好的對白, 努力提醒自己要保持笑容. 推開房門, 是一間寬敞整潔的辦公室, 牆上的幾幅水墨畫為厚厚的文件加添了幾分生氣. 她是那些典型的事業女性, 爽快直接卻有一份優雅, 一舉手一投足都有"很吸引"的感覺.

和她談事業啟發甚多, 和她談朋友談家庭亦很窩心. 一個人有"人情味"果然不同, 在工作上有要求之餘和員工亦感情要好, 一年有一半時間在飛機上家庭關係仍然密切. 就算和我這個微不足道的小薯仔對話也處處表現真誠的關心和欣賞. 就是那一點點情感因素使我覺得這個高高在上的人就像是身邊一個朋友.

不過COO的世界始終高級很多, 用的是燙金英式餐具, 穿的是華衣美服, 談的是營運大計, 朋友是總裁政要. 不過如她說, "我沒有想過我今天會坐在這裡, you start at where you are, that's fate. 從這點開始想想未來的目標, 過程中你會慢慢摸索到適合自己的路, 不要介意現在, always try to deliver the best and gain the trust and credibility, 如果因為看不起現在的工作, 你可能會錯過很多機會而影響日後的路" 話雖如此, 如果可以的話我還是想改變現在. 我就是動極思靜, 靜極思動.

Send 了
=======
在 career power training裡說過我要send的email終於send了, 並得到回覆, 時間是下星期.. 雖然對象錯了, 但是一個好開始. 唯有"stay active in the community" 我才可以融入他們的世界. 有鬥心的人認真做事的時候, 格外吸引..

兩個男人

一個好老細是會:
1) 幫下屬頂哂所有追魂電話, 電郵
2) 幫下屬安排並完成各項繁複的request applications
3) 在下屬有疑難時立即放下手上工作飛身相助
4) 分析並分享各種賺錢策略
5) 耐心聆聽下屬的怨言, 積極提出改善方法並努力配合
6) 好熱心, 記得你何時訂過那本書, 並建議其他有用的進修教材
我很幸運有個好老細

是日18/f 再遇J.Lui, 風采依然, 跟一個有魅力的賓卡共事果然非同凡響
明查暗訪, 原來是NYU, 一個字: 掂

忽然有感

"生命只有一次, 可悲的是不能重來, 亦可喜不需要重來"; "就算只剩下一天, 也應該好好過"
時間從來不等人, 過去了就回不了頭. 我想人生最好不要有太多後悔, 他日老了回望過去, 那些"早知","其實", "假如"只會留下遺憾. 就算將來老人痴呆我也只希望記得自己的傻和笨, 而不是一堆感慨.

幸好現在的我就是想做就做的人, 對我來說做不一定正確, 但不做就一定錯, 做了想做的事, 了結心事, 心情暢快; 那怕有一噸問題隨之湧現, 日後再算, 起碼我快樂過. 幸好我腦袋小, 記得的東西不多, 撞板了可以三兩小時完全復原, 繼續嘻哈. 越來越明白"命裡有時終須有, 命裡無時莫強求" 的道理, 努力過, 跌倒了再努力, 還是失敗, 大約反覆測試3次我會放棄, 接受現實, 仍然放不下的話我會"請倡", 還是不行的話我會敗走, 就好像我面對那群aussie!! (但感情問題除外, 自己也解釋不了)

更甚是即使我敗走了我還是會對那些誓要打倒的我人進行秘密偵查, 因為我想知道我何德何能挑起他們的戰意. 雖然可能只是我一廂情願以為別人在挑戰我, 但好奇之心誰人沒有? 況且知我者皆認同我很好勝, 自信心不就是由"嬴" 建立的嗎?

******************************************
最近成了朋友們的海綿, 每天不停吸收別人的心事秘密, 很高興身邊的人對自己的信任, 雖然大家的煩惱都離不開幾個問題, 但是從不同的故事裡我學到很多.衷心希望大家早日雨過天晴, 你們每一個都應該開開心心過日子 :)

人與人的聯繫往往是因"問題"而起, 亦因"問題"而終結; 而最諷刺的是"問題天天都多"..

******************************************
忽然很想親口對你說: "我對你好是我真的對你好"