無聊10問

1) 點解個個都唔覆email, 但當你親自打俾佢地
佢地可以好快咁講出個答案, 仲可以糾正你問題既錯處
2) 先發制人好D咩? 係咪都鬧左先勁D咩? 如果唔係點解
個個大佬都用呢招, 係想建立形象/ 嚇窒人/ 明知衰硬撐左先?
3) 晚晚留夜做野係唔係就叫勤力? 咁我留係公司上網, 訂飛
講電話, 吹水, 印自己野, 等人放工直到夜深, 我可以有勤工獎?
4) 老細做咩要在人前咩都得, 人後就消失? 明明係你自己應承人
做咩無啦啦會變左好似我講咁? 我唔係記性成咁呀? 我有講我記得喎
5) 唔係話大家一條船咩? 原來係分體船, 有事時頭等艙可以走先
普通位? 你咁普通唔好望人救啦, 多你一個唔多, 少你一個唔少
6) 有人鐘意話自己受歡迎, 不過就其實黎黎去去o個幾個friends
俾仔圍好勁咩? 不過點解人地同我講你好騎呢既? 你知唔知呀?
7) 有D人你唔識但就日日都見, 而當中明知日日同一地方都見到你
有D會有禮貌同你點點頭, 有D依然當你透明, 叫聲早晨好難咩?
8) 櫃桶好好拍咩? 做咩你發脾氣就嘭嘭聲, 黑面又嘭嘭聲,
連食煙前都要嘭嘭聲? 坐你附近既人會好慘啦, 耳仔痛呀!
9) 究竟係邊個做咩先呀? 唔好個個唔講野, 一講個個一齊講
10) 究竟唔訓死先, 食死貓太多死先還是俾冷言冷語凍死先?

macao

豬扒飽, 豬扒麵, 凍奶茶, 木糠布甸, 安德魯葡撻
椰汁涼粉紅豆冰, 奇異果香蕉Gelato, 禮記橙汁
杏仁餅, 花生糖, 碼頭雪糕 yum yum!
永利, 金沙, 法老皇, 葡京, 漁人碼頭
支力都爆, 手腳酸軟身心疲累, 開心無限

忙不是一日, 是一個月

向來hea住過星期五的我忽然完全失去這個權利
因為10月的那一件大事, 我和RC不得不全身支持
整天沒有一分鐘空閒過, trilingual 會議一浪接一浪
懷疑係個天要我知道做一個賓卡殊不簡單, "唔啱我啦!"
不過工作終需要做, 最後一個會打大佬: 6點到8點半
做埋D手尾就閃, 到D'Apartment會合regularHH腳s
是晚的意大利飯局勁開心超好味, 有我至愛的RIBS!!
男朋友給我兩件最大的, 伴以Tabisco+Honey Mustard
再來一塊大pizza, 卜卜脆, 原來"滿足"可以係咁簡單既
女仔一聚埋就講扮靚, 男仔呢? 就閃埋一面講無聊野
無啦啦講緊Armani, 點解要"Nakupanda"同"weewee"?
狂笑大笑又一晚, 星期六要開高峰會, stresssed
Nah, YogaMaster, no more HaagenDazs after meals
我唔係你, 我係會飽o家, 最重要係, 我係會肥o家 >_<

1st, 2nd, 3rd trial

放完假返工, 忽然做左個Banker! 講你都唔信!
raychow主理, 佢係asso時我係analyst, 拍爛檔齊齊上
逢會必到, 逢call必接, 逢野必做, 逢叫必應, 永冇say no!
事無大小樣樣跟到足, 第一次由頭到尾咩都involve
客我見過, JBRs, JGCs, 律師個個都識個個都係"friend"
嘩, 學RC話我地今個月有冇double pay呀?
要知道你手上好多野都係由我整, 由我執由我嘔出黎啦
我又要去路演呀, 我又要去祝捷會呀! 我又要去聯交所呀!
我要我要我要呀~~~~~~~~~~~~~~~~~~~~~~~~~~~~~!
RC原來都係一個好老細, 係Elo之後另一個我BUY既Management!
一個hands-on又肯step-in/ take-up既人會成功係啱既
比起"一D人"避得就避, 只係會得罪人講多錯多, 唉氣都嫌無謂
側田又係廢, 咩都要搞爛哂搞死哂先開心, 都唔知要個腦做咩
問野唔知問咩, 講又唔知講咩, 天! 我只要一個RC/ Elo就夠啦
冇用既自己行開.. 我真係好多野做啦, 唔係湊仔婆喎, 嘻!
忙完煩完俾人鬧完收到你電話, 開心哂, 莫非你係我既神丹妙藥?

都唔係咁差啫

心情靚天氣好人又唔多又有free entry又有coupon
迪迪樂園都唔係咁差啫: 有野玩有野食有野睇
我手車係唔好, 不過我槍法好, 吹咩? 哈哈
space mountain原來我係會驚囉, 好水皮呀!
好彩你陪我做我人肉安全帶先可以玩得太平又放心
阿Vel所謂既5秒烟花其實係成3個字, 仲好靚喎 :)
雖然唔係玩左好耐, 不過開心*100,000+支力*100,000
你返成年工今日第一次攞假就係陪我去玩
感動*100,000,000,000,000呢! 點解你會咁好0架..嘻!
忽然有點返到小時候的感覺, 會興奮大叫拍手唱歌蹦蹦跳
A whole new world/ Beauty n the Beast 整晚在我腦內迴盪
好想和你看卡通片, 因為我知道只有你同我一樣
傻得黎白痴但又會欣賞童話的天真和美麗

當生日遇上結婚

星期五的D'Apartment同一堆人嘩哈哈
小南國的8人飯局是YogaMaster的生日預演
醉雞東坡肉水煮牛肉麻婆豆腐糯米蒸排骨干燒四季豆
幾十樣美食滿肚腸肥, 高興就是一班好朋友+好餸!

星期六先拍拍拖 - 又是太古城, 銅鑼灣, 中環
Devil Wears Prada超級好睇, 沒有一分鐘悶場
你終於知道JimmyChoo啦, 假假地我都係一個時裝迷
杏花樓有大Ben阿苗苗嫂你和我, 擘酒前先搵野塞飽個肚
Haven的InI After-party終極開心, 死飲爛飲狂飲喪飲
周圍撩人飲, 同阿芹YogaMaster杯杯清! 30幾人癲哂!
可憐我竟然一早就劏.. YogaMaster, 好彩你都冇好結果
新娘好靚班friends好正個氣氛D遊戲全部一絕, 要尖叫!
miss左跳舞的Herbie, 騎呢文之吻, 不倫擁抱, 十指緊扣
聽聞肥Ben為你蓋被除眼鏡, 都幾十歲, 算啦, 哈哈
hardcore, 有你我玩得好放心, 因為..你可以背我返屋企!

星期日又係另一個高潮 - 20人的南華會BBQ Party
天台Bar原來咁正, 開揚又spacious, 有如高級會所
微風送爽, 又面對driving range, 比西貢/赤柱還要寫意
劉華苗僑偉黎碌齡, 男友與兄弟玩飛標足球機歡樂無限
是日最經典YogaMaster短褲PaulFrank拖鞋環保手袋造型
相信全世界都應該只有Foot-tieJ可以頂得順, 枉你係貪靚王
同一班人, 個個都只係訓左幾個鐘但仍然玩到癲, 離譜
好飽, 還有明天的迪迪公園, 減肥- 都係明天開始!!

Why gals so sad??

男與女的失衡令男人越來越矜貴女人越來越淒涼
每一晚不知道有多少個傷心女人在老蘭買醉
她們的故事都離不開幾種: 被玩, 分手, 單身太久
被玩成了女人長大的必經階段,
以被玩的程度, 對象的身份和時間的長短來衡量成長的速度
以心靈的傷害/ 身體的傷害/ 金錢的傷害為指標
很多人以身體的傷害最慘, 不過現今男女性態度如此開放
在ONS沒有什麼大不了的時代, 男女各取所需是可以理解的
因此亦沒有所謂身體傷害這回事, 我尋你開心你尋我開心
難聽點就好像動物, 純為生理需要, 沒有commitment沒有責任
(或者說不要期望有"責任"這東西) 醒來枕邊人是誰名字是什麼
男人不會去刻意記住, "得閒飲茶, 聽日call你, 要唔要叫的士"
可是女人比動物多一點, 情感和肉體需要c0-exist, 問題就在這裡
快樂過後 (甚至之前) 女人已經自動考慮了"愛"的原素
而這個unidentifiable, uncategorized的因素
正正造就了無法彌補的心靈傷害, 令女人心淡令女人一厥不振
女人接受不到動物般的男人"前與後"的分別, 甜言蜜語vs忽冷忽熱
接受不了原來沒有愛的性關係, 不理解男人只求"一剎那"的心態
男人賤就賤在他們要得到"一剎那"比得到愛情可以更用心栽種,
因為他們明白這個one-off的投資 (電話, sms, 幾套電影, 幾頓飯)
可以2-3天至2-3個月看到回報, 而在見好就收的情況下
男人得到預期的成果就會鳴金收兵, 甚至會突然消失人去樓空
有條件沒有條件的男人都用這些技倆, 而最弊是女人明知都受
有條件的有車有樓有事業有地位, 出手闊綽風度翩翩, 奢華虛浮
沒有條件的賣弄細心, 賣弄姿色, 賣弄風趣, 賣弄時間, 做個貼心甜心
但可悲的是他們都只在追求"一剎那", 相信如果同一種effort
放在serious relationship/ marriage上將會是另一個完全不同的故事
女人因為跌多了經歷多了成了驚弓之鳥, 她們不是整天擔驚受怕
不是對男人零信心, 就是誓言要做男人二號-Player ver.Female
這都使現今的男女關係十分不健康, 不正常, 甚至成了病態
女朋友雖然都想戀愛, 不過大多都因為自知"玩不起"而繼續單身
男朋友因為太有market value亦多是單身貴族,不慌不忙不志在
玩得越多, 男男女女更加確認以上的想法而造成愛情攻防猜心大戰
你愛我我愛你根本不代表什麼, 拖拖手親親咀攬攬抱抱也不怎樣
大家都assume遊戲成份居多真心成疑, 玩玩就算認真免問
基於男人比較沒有heart-feeling, 玩就是玩, nothing more than that
女人就成了最大的受害者, 她們投放較多入戲更多,
就算死了20次, 對下一浪仍然充滿希望, 期望會有好男人好姻緣
天天活在幻想/ false hope/ 謊言, 等待一個又一個泡沫的脹大再爆破
Gals so sad these days.. 是天生是註定還是社會的錯?

給BatA

我曾伴你通宵飲過酒 亦曾被你燻得滿身煙臭
何時與你成為摯友 同走過寂寞時候
而難與你成熱戀的對手 寧願留下友情情份更是永久
誰更清楚清楚你的風流　纏住你手只怕熱淚會流
和你能扮演好友　男士那般搭膊頭
和你牽手只恐怕太荒謬　還是當你一位損友
沒寄望 沒強求 若我離開 你不曾內疚
(縱使找到新歡 你也會笑著不內疚)
願能在你失意熱情慰問 未能被你酒後趁機一吻
誰人與你成為愛侶 能保證絕無掛慮
談情說愛何日都可告吹 寧願留下友情 傷心都只可鬥咀
誰昨晚共你一起 用情如像遊戲
我沒福氣去責備你　無謂揭露誰在妒忌
323523623 u r killing me u know? wtf!!

另一個人

發現在男朋友面前的我是另一個人
是一個手腳腦袋退化的超級懶人:
不用想吃什麼/去那裡, 不用記方向, 不用看地圖,
不用找巴士, 不用撐傘,不用開門, 不用拉椅子, 不用按電梯
買了一袋二袋不用拿, 不用拿爆谷筒, 不用選好吃的,
不會錯過好東西, 坐地鐵不用握扶手, 不用自己挾餸,
不用回覆chain email, 不用點菜結賬, 不用張羅奔波, 不用受氣
在公司的我不想多一點就"大獲甘", 不親力親為就"死硬"
因為你下班我可以腦袋電腦齊關, 飯來張口, 衣來張手
由辦公室阿四升價10倍成離島公主, 嘻
辛苦你啦, 一日24小時都在"忙", 忙自己的忙我的忙我們的
努力加餐飯 - 我們要去蘇梅島!!

是晚到世貿吃YogaMaster推介的吉列豬豬定食,
熱騰騰脆卜卜超好味, 紫菜汁生菜我一個人食了3碟, ichiban!
雖然係一邊conference一邊食, 又要你一個人傻奸奸咁呆等
不過美食當前我們還是享受了高高興興的一頓飯, 嘻
同一個地方同一個商場有你陪我忽然多了很多歡笑
那首歌那朵花會一直留在我心中, 你就是叫我最最最歡喜

最近愛睇戲

已睇
===========
1) 加勒比海盜決戰魔盜王: erh, 核突
2) MiamiVice: 唔知可以講咩, 鞏利? 都係咁啦
3) CARS: 因為你而愛上了Lightning McQueen
4) 日本沈沒: 咸蛋超人咩? 咁假
5) United93: 心噏, 最後畫面黑了的一刻想哭
6) Click: 故事如我所料, 不過父子情令我眼濕濕
7) The Lake House: 唔鐘意個結局, 要再睇韓版
In the pipeline
=============
1) Fast&Furious- Tokyo Drift
2) Devil wears Prada *0*: for the classy me!
3) World Trade Center

結論: 太古城UA的爆谷最甜最好味最大舊
時代UA睇戲最辛苦爆谷太碎, JP最唔eye-level

FOREVER?!?

到今天才知道原來"forever"是有期限的
不是我一直以為如生生世世, 沒有終結般浪漫
"3年"是"永遠"的limit, 聽後晴天霹靂,美夢幻滅
為何不是10年100年1000年, 而是短短的3年?
3年轉眼就過, 可以無聲無色不留痕跡
問我最近3年的事我都要細心想想才有頭緒
奈何偏偏"forever"是愛情的定義, 是山盟海誓的指標
原來"love you forever"不是什麼驚天動地的諾言
你的另一半只是答應在他/她未來的3年好好對你
3年後愛情變質了, "forever"不對現了, 大法官都愛莫能助
馬上打電話告訴你, 你安慰我說, "那我們用non-stop?"
"non-stop"不浪漫, 是機械式的形容詞, 很刻板沒有生命
你說"Forever x 100,000呢? 那是300,000年了, 很長很長"
如果到了盡頭, 真的過了300,000年你還會好好愛我嗎?
Contract-based的愛情不討好, 那個死線就好像末日大審判
對質, 清算, 把愛情放在秤子上看看應否extend/會不會extend
很擔心很傷心, 為什麼法律那麼殘忍把美好的事量化歪曲?
300,000年, 是你給我的期限..
那麼"love you forever"還是不是甜言蜜語?

出生入死

= 到冒險樂園共患難 + 再到澳門賺$100共富貴
冒險樂園一次滿足哂我3個願望: 雪糕, Popcorn, games
一切很美只因有你- 連太古城都充滿快樂
在銀星閣的水牌前, 我看到小朋友的你, 那個在等校巴的你!
南丫島之旅: 滑浪飛船黃暴紅暴椒鹽豬扒飯凍檸賓
忽然成了3號碼頭的常客, 愛上小島的一切: 簡單/自然/ 無添加
大風大雨下你為我撐傘, 就算半邊身濕了仍然溫暖,嘻

晚上為阿柴做生日和慶祝xo康復, 又係瘋狂的大派對
紅紅白白飲到貓貓地, 好彩有你在身邊好好照顧我
大魚大肉哈根大師summerberries, blueberrycheesecakes
你通通為我安排, 仲"好有衣食咁幫我包底"半點不留
被叫阿嫂感覺很奇怪, 高興得到你朋友的接納大伙兒起哄鬧著玩
感謝你不介意我和你圈子的大不同並努力把我們拉在一起
被照顧被保護, 還是在你面前我才能做真正的我, sweeeeeet

The way you make me feel

難以再次控制我心理上需要 要吻你才能停住這個徵兆
為何大腦似欠缺氧氣 我自覺瘋了
It's Just The Way You Make Me Feel
愛上你 看到你第一秒 只覺碰見你緣份太過蹺妙
誰人料到你也愛上我 暗地我尖叫 (我真想尖叫)
It's Just The Way You Make Me Feel
每次你跌痛了 使我心窩痛了 而愛是對我愛人信心不減少
連在夢里也笑似一切都擁有了 初戀感覺你我沒有缺少
每次吻你也亂了心跳 過去我那會有明眸爍爍閃耀
全賴在每次你說愛我 我自覺緊要
Is Just The Way You Make Me Feel

一日萬里

找到一個你是我最幸福的事, 難以言喻
不會忘記你給我的calbee薯片電郵
那兩包吃不到的熱浪和原味將會永遠留在我腦海
到現在想起來也會笑, 實在窩心實在甜
感情事真的很難說, 沒有想過我們會一日萬里
合拍的指數達100! 喜好興趣性格都配合共融
如你說, 下班後週末時最好還是留在家
依偎一起看看電視吃吃薯片, 可以見見你就好
牽著手踢著拖遊走你的小島, 靠著你的肩看海看日出
down-to-earth, 簡簡單單的生活就是我們的生活
有你的日子真好- "我阿媽都係因為你先生我啦!"

是日於HMV買了Kill Bill 1&2週末慢慢煲(得咩?)
晚上D'Apartment的HH很高興阿芹回來了
還有+600溫哥華的回憶 - 好想飛去放假呀!!
你帶我們到你午飯熱點"老地方"食個飯, "裝修幾靚喎"
個XO醬豬頸肉炒河我覺得好好味喎, 點解你話難食呀?
下次我又要食常餐沙爹牛肉麵/ 燒味米粉- 好吸引o者
在海邊煲煲煙吹吹風拍拍拖, 巧遇Hermes party - 熱鬧
比起VH, 我們好像真的和諧很多, 至少我不會大大聲喝你
恐怕我很快又會跌入完全男朋友的狀態, 我D朋友呢?

Island Life 開鑼! 勁!!

星期五晚的regular HH於Haven
朋友們都"很接受"我們的"一起出現"
連很懷疑的卡文都忍不住要迴避
兩份分的翠華咖哩牛筋腩炒河勁好味
D26的一個快都好, 不過見到唔想見既人, 唉

星期六你去整車我去Salon, 成4點幾先攪掂
先行街食下午茶, 又係超市家電傢私旅行社
"I love the heart-shape stressball loh!"
United93好慘好心噏, 唔鐘意sad movie
10點先入長洲Rosa'n friends生日會, 激動!
16個人, BBQ打牌猜枚擘酒到6點, 鋪鋪輸杯杯清
昏迷到12點俾人叫醒齊齊飲茶, 又好味又飽
下星期又係長洲, 又係2日1夜Fab9 Party
從此我的生命就離不開Islands, 好想快D去南Y島